Take a fresh look at your lifestyle.

كمال الاجسام والهرمونات هتموتك بدري..

0

لعبه ابطال ولا لعبه اموات؟؟

 

السلام عليكم

لو عاوز تعيش لفتره اطول ف بكل صدق، لعبتنا “كمال الاجسام” مش ليك خالص “خصوصاً لو انتا مش طبيعي وبتاخد هرمونات خارجيه ومركبات لتحسين قدراتك” ، ليه؟؟

شاهد الفديو :

لان خلايا جسمك مش هتقدر تنقسم وتكبر ويحصلها hypertrophy/hyperplasia لفترات طويله، كنت شوفت ف بحث قبل كده ان خلايا جسمك ممكن تنقسم ل 40 مره، بعد كده الخلايا دي يا بتموت يا بتتحول ل zombie cells-senescent cell، وطبعا كل القصص دي بتحصل من ستايل حياه البودي بلدر الي مليان بروتين عالي جدا بتوصل ل 200-400جم بروتين فاليوم، وسعرات كبيره جدا بتوصل ل 4000-6000 سعره والي بتخلي ال Growth Factors-عوامل النمو، زي ال IGF-1 كمثال شغالين 24 ساعه ومفعلين كل ال growth pathways الي ف جسمك زي ال mTOR/ampK، والبروتين نفسه يعتبر signalling molecule، ف بيبعت للخلايا نفسها انها تنقسم، والمصيبه ان الخلايا لما بتتحول لزومبي اسواء من انها تموت، لانها هتفضل تسحب مغذيات وهتفضل عامله inflammation- التهابات وهتفضل شاغله جهاز المناعه انه يفرز cytokines علشان يحارب/يتعرف ع الخلايا دي، كمان الادويه الي بناخدها ايا كانت والاكل الكتير فاليوم مبيسمحش لكبدك ياخد فتره راحه وانتا حرفياً شغال دب دب دب فالغلبان من كل ناحيه، ولو بصيت ع لاعبي كمال الاجسام ف سنهم الاربعين والخمسين هتلاقيهم اكبر من سنهم ب ٢٠ سنه مثلا

 

وطبعا الموضوع اسواء ١٠٠ مره لو كل الي قولته فوق زاد عليهم هرمونات وخصوصا هرمون النمو، لان لو انتا معرض للكانسر جينياً ف سلم ع الشهداء الي هناك 

 

- Advertisement -

ف انتا دايما بتسمعني وانا بتكلم دائماً عن اللعبه بالسوء.. وبمنشن ان اللعبه دي هتقصر من عمرك .. بس ماشي حلو ما السجاير برده والافيونات وحاجات كتير بتقصر العمر .. دا حتي الاكل بيقصر العمر .. ف اشطه مفيش مشكله انك تختار عاوز تقصر عمرك بانهي طريقه .. الحديد هيقصر عمرك ويديلك شكل حلو المكيفات والسجاير والاكل هتديلك دماغ ومود عسل .. وكل القصص دي بتعمل اعتماديه طبعا المكيفات والاكل ببعملو اعتماديه بدنيه او physical dependency زي ما بنقول فالطب ف حين ان الحديد بيعمل العكس اعتماديه نفسيه psychological dependency مبتقدرش وتشوف او تتخيل حياتك ونفسك من غير الشكل دا والعضلات ونسبه الدهون دي وبتقلب معاك ب كره لذاتك و body dismorfia/shaming… وللاسف اخر كام سنه اللعبه انتشرت بشكل مخيف ف مصر والعالم ودا بسبب ان مصر كسبت عن طريق البيج رامي مرتين ف الله ..دا في حد مصري عملها يبقي انا كمان اقدر اعملها .. وكلها بقت سبوبه بيروح فيها العيال الصغيره وكلها بقت ابطال.. وكله عاوز ينافس ويتقال عليه البطل الدبابه.. وي كان الحياه خلاص خلصت ومبقاش يهم فيها غير شكلك عامل ازاي وعندك كام كيلو عضلات.. الموضوع محزن جدا وياما سمعنا عن عيال باعت عفش بيتهم وعربياتهم وشباب بتدخل جمعيات علشان تحضر وحاجه غريبه جدا ..وناس قررت تتفرغ للعبه وتسيب شغلها من قبل حتي ما يشوفو هل جيناتهم تنفع للاحتراف ولا لا وكله بقي عاوز الكارت الي مكتوب عليه انه بقي محترف و ifpp pro … ومحدش بيوصله انتا متخيل الناس بتخسف عمرها بالسنين علشان يلعبو ك هواه مش اكتر!! هتقولي منتا بس يا كوتش انتا قولت انك كنت هتاخد هرمون لولا مشكله الدوالي الي حصلتلك ..ونزلت لينا السايكل الي كنت هتاخدها اصلا انتا كده بتناقض نفسك ولا ايه؟؟ للاسف مش بناقض نفسي ودا يثبتلك ان مفيش امل .. انا اكتر واحد فالدنيا يعرف قد ايه اللعبه والهرمونات والمركبات دي بتقصر ف عمرك وبتموتك بدري … بس برده قررت اني كنت هاخد وهبدل كام سنه من حياتي ب رفاهيه ف شبابي اعلي .. ولكن بدل ما كنت هعيش لسن ال ٧٠ مثلا حاليا هعيش لل ٦٠ بس … مع complications وتعقيدات ومشاكل صحيه اكتر فالغالب .. ف انا عارف كويس انا هحط نفسي ف ايه .. ولكن لسه مقرر اني عاوز اخد .. دا كله كوم وفكره اني ممكن يحصلي مشاكل ف الوقت الحالي زي مثلا اني يجيلي مرض السكر النوع التاني من استخدام الانسولين والجي اتش او هرمون النمو .. كمان ممكن يحصلي كانسر لا قدر الله من نفس المواد وزياده عليهم ال igf زيادة علي دا المركبات دي مع باقي الهرمونات بتسرع من انقسام الخلايا بشكل خرافي ودا المطلوب طبعا انه يحصل hyperplasia و تضخم او hypertrophy للخلايا دي علشان نوصل لاكبر حجم عضلي ممكن .. ولكن الخلايا دي مش هتقدر تنقسم وتكبر الي ما لا نهايه كل حاجه ليها حدود يا بيه .. والخلايا ليها حدود بتقدر تنقسم لعدد معين من المرات وبعد كده يا اما بتتحول لخلايا زومبي scnasint cells او يا اما بتنتحر وبتدمر نفسها والحمض النووي الي فيها ودا معروف بال cell epaptosis .. والعدد الي الخلايا تقدر تنقسمه ف حدود ال ٤٠ مره فيما يعرف بال hafleck limit .. وبعدها زي ما قولت يا هتنتحر وتموت يا هتتح ل لخليه زومبي بتاخد مغذيا من الجسم وقاعده ف الجسم بتسبب التهابات واكسده ومشاكل عالفاضي

 

كلمه اخيره، بالنسبالي مظنش اني هفضل ع الهرمونات لفتره طويله، اعتقد اني هعدي بس حدود جيناتي وابني انويه جديد ف خلايا جسمي العضليه والي هتفضل معابا حتي بعد ما ابطل هرمون (علشان كده مينفعش تقول عنفسك طبيعي طالما خدت هرمون حتي لو بطلت)، وبعد كده هبطل خالص لاني عاوز اعيش اكيد لاطول وقت ممكن 

تابعنى على : 

https://www.instagram.com/muhamed.mustaafa

https://youtube.com/c/Sioux99

https://www.tiktok.com/@muhammed.mustafaa2

https://facebook.com/sioux99

اشترك في نشرتنا الإخبارية
اشترك في نشرتنا الإخبارية
ادخل بريدك الإلكتروني حتى نراسلك بمقالات وكتب قيمة تهمك
يمكنك إلغاء الاشتراك في أي وقت
تعليقات
Loading...

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد