Take a fresh look at your lifestyle.

شرح الفارما 1

0

شرح الفارما 1

*السلام عليكم ازيكم يا حبايب اتمني تكونو بخير وصحه يا رب معاكم محمد مصطفي انا اخصائي تغذيه ومدرب معتمد .. انا مش دكتور او بمعني اصح انا مش حاصل علي ترخيص لمزاوله مهنه الطب .. انا شخص مهتم بالطب والفارما والفسيولوجي والبايولوجي والباثولوجي وحاجات تانيه كتير وبدرس كل الحاجات دي لوحدي مع نفسي ومهتم برده بعلم الجينات وعلم الاعصاب وعلم الغدد الصماء وكل حاجه ممكن تفيدني ف شغلي وتكون ف نطاق شغفي وانا شغوف جدا بالفارما وبحب الكيمياء خصوصاً الكيمياء الحيويه .. مع اني كنت بسقط فالمواد دي وانا ف اعدادي وثانوي وكنت ف شعبه ادبي لاني كنت مقتنع اني فاشل ف الكيمياء والاحياء والفيزياء والرياضيات ومكنتش بفهمهم واتحطيط ف قالب الشخص الي بيعرف يحفظ لاكن ما بيفهمش وصدقت دا جدا لفتره طويله .. ودخلت كليات كتير وسقط فيهم كلهم وضيعت سنتين من حياتي بلف ف اداب وتربيه ومعاهد واتخرجت اخيرا من معهد حاسب الي كنت شاطر جدا وشغوف بالبرمجه وتصميم وتطوير المواقع واداره نظم ويندوز ولينكس واداره الشبكات وحمايه واختراق اي حاجه وكل حاجه.. ولكن سبت المجال دا فالاخر وفضلت فتره معنديش شغف ولا حب ولا طاقه لاي شئ.. لغايه ما دخلت مجال التدريب والتغذيه ف 2020 ومن وقتها وبدا يتطور عندي شغف لكل حاجه بتحصل ف جسم البني ادم وحالياً انا حد شاطر جدا ف استخدام الكيمياء والعقاقير والمركبات والادويه ولكن انا مش دكتور ولكن صدقني الي هشرحه وهتكلم فيه مش هتلاقي حد بيشرحه زيي لاني بحب المجال دا علي عكس كل الناس الي مفروض عليهم دراسه الحاجات دي .. ف اديني فرص وجرب تسمعلي وتتعلم مني وربني والعلم دا اتمني يتحط ف ميزان حسناتي 

فيديو الشرح

دي هتكون سلسه فديوهات جديده هشرحلكم فيها كل الفارماكولوجي الي ذاكرته من نفسي بدون كليه وبدون ما حد يعلمني ودرست الحاجات دي كلها بالانجليزي … وحبيت اعملكم سلسله اشاركم فيها كل حاجه اتعلمتها ف المجال دا وابسطلكم المصطلحات الصعبه واسهل علي اي حد حابب يتعلم علم الدواء انه .. السلسه دي هتبقي كبيره وهغطي فيها كل حاجه اتعلمتها هشرح كل المصطلحات والمبادئ فالفارما وكل عائله دواء تطرقت ليها وذاكرتها بالفارماكولوجي بتاعها والفارماكونتكس والفارمادينمكس والفارما ثربيتوتكس كمان .. سلسه الفديوهات دي تهم وتفيد مين؟ 

اي حد حابب يتعلم عن علم العقاقير .. اي حد مهتم بالطب والادويه .. تفيد الدكاتره وطلاب الصيدله والطب وتفيد الدكاتره الي بيشرحو والطلاب الي بيذاكرو انا متاكد ان اي حد هيتابع السلسه دي هيستفيد منها جدا .. ف يلا بينا نبداء ف اول فيديو فالسلسله دي .. ونشرح فيه تعريفات عامه ف علم العقاقير

خلينا نبداء*

 

ايه هو الفارماكولوجي او علم العقاقير؟

هو العلم الي بيدرس نشائه وطبيعه والتركيب والتأثير الكيميائي للادويه 

ليه العلم دا مهم ؟

علشان دا الي بيدرسه الدكتور علشان يكون مؤهل لانه يوصفلك الدواء ف لازم يكون عارف تركيبه الكيميائي وتاثيره وطبيعه ومنشاء الدواء وجرعاته وتفاعلاته وكل دا فالاخر علشان يوصفلك الدواء المانسب بالجرعات المناسبه لحالتك الشخصيه علشان تخف وتبقي زي الفل

طيب ازاي بنقدر نعرف تأثير الدواء وتفاعلاته وتفكيكه وفتره تواجده فالجسم وطريقه عمله؟؟

علشان نعرف الحاجات دي هندرس ال ٣ مبادئ دول الي يعتبرو اساس الفارما اصلا .. وهما 

1- pharmacokinetics

2- pharmacodynamics

3- pharmacotherapeutics

خلينا نعرف وحدا وحدا 

الفارما كونتكس بتعرفك الدواء دا هيمتص ويتفكك ف جسمك ازاي بالتفصيل وف وقت قد ايه وهيخرج من جسمك امتي وهيتوزع فين وازاي فجسمك

الفارماكودينامكس بتعرفك ديناميكه او حركه الدواء ف جسمك بتعرفك التاثير المادي والكميائي الي المركب دا هيعمله وميكانزم عمل الدواء يعني ازاي بيشتغل 

الفارماكوثربيوتكس بتعرفك استخدام المركب دا ف علاج او منع الأمراض وكمان بتعرفك ازاي الادويه بيتم تسميتها ووضعها ف عائلات وازاي الادويه بتتعمل اصلا وطريقه اعطاء الدواء وازاي بيتم تطوير الادويه الجديده

 

جميل نخش علي جزئيه جديده.. ازاي بيتم تسميه دواء جدي

 او مركب كيميائي جديد وعلي اي اساس؟؟

سؤال عظيم عندنا ٣ طرق لتسميه مركب جديد 

اول طريقه انه يتسمي بالتركيب الذري او الكيميائي بتاعه 

تاني طريقه انه يتسمي باسم generic بمعني اسم متاخد من التركيب الكيميائي او ليه علاقه وبيعكس بالتركيب الذري بتاعه

تالت طريقه وهو اسامي البراندات او الاسم التجاري للمركب او الدواء 

 

بعد ما يتحدد اسم المركب الكميائي او الدواء الجديد بيتم نسبه او وضعه في عائله من المركبات الي هو شبهم ف الخواص بتاعتهمو الطريقه ودا بنسميه ال pharmacologic class.. كمثال فكره العائلات دي عندنا عائله ادويه مثبطات مستقبلات البيتا ٢ ودي تعتبر ادويه ضغط لأنها بتقدر تقلل من تواجد الهرمونات الادرينرجيه زي الادرينالين 

- Advertisement -

وعند طريقه تانيه في وضع الادويه ف عائلات .. وهي طيريقه بتمسي بال therapeutic class بمعني ان الادويه الي بتعمل نفس الحاجه او بتعالج نفس المشكله بنحطهم مع بعض مثال علي دا ادويه علاج الضغط .. عندنا مركبات كتير بيشتغلو بطرق مختلف لعلاج الضغط في الي بيشتغل ب تثبيط مستقبلات البيتا وفي الي بيشتغل علي مستقبلات الالفا وفي الي بيقفل قنوات الكالسيوم ولكن كلهم فالاخر بيتحطو تحت مسمي عائلي واحد وهو انهم ادويه علاج للصغط

 

كمثال اخير علشان نفهم الي انا شرحته فوق دا 

هناخد مركب ديكلوفيناك الصوديوم دا اسمه الكيميائي والجينيرك كمان وبينزل فالسوق واساميه التجاريه عندك ديكلوفين وديكلاك وفولترين كمثال ، احنا قولنا ان في طريقتين علشان نوصف الدواء من حيث العيله بتاعته اول طريقه هي ال pharmacologic class.. ف هو هنا بينتمي لعائله اسمها … 

والطريقه التانيه هي ال therapeutic class وهنا بينتمي لعائله اسمها non steroidal anti inflammatory

 

طيب نخش عالفارماكولوجي للمركب دا .. اول حاجه الفارماكوناتكس للمركب ديكلفويناك الصوديوم بيتم امتصاصه بشكل كامل من المعده وبيوصل لاعلي مستوياته ف بلازما الدم ف خلال ساعه ل ساعه ونص وبيتم طرده بشكل شبه كامل عن طريق الكلي 

طيب نخش عالفارماكودينامكس ديكلفويناك الصوديوم بيمنع تكون او تخليق البروستاجلاندنز علشان كده ممنوع تاخده قبل او بعد التمرين لان احن يهمنا جدا ان البروستاجلاندنز دي يحصل تحفيز وتخليق لانا جزء من البناء العضلي وكمان المركب دا بيقلل من الالتهابات والتورم والحمي وبيقلل من تلاحم الصفائح الدمويه مع بعض

والفارماكوثربيوتكس يعتبر شرحتها فوق لما شرحت اسمه وعائلته وصفاته كدواء غير ستيرويدي علي عكس مثلا الكوىتيزونات 

خلينا نخش علي نقطه تانيه مهمه جدا الدواء بيجي من فين اصلا او بيتعمل ازاي؟

الدواء الطريقه الاساسيه لصنعه كانت باننا نعمله من النباتات والحيوانات والمعادان ولكن التطور التكنولوجي خلانا نقدر نصنع المركبات دي والادويه فالمعمل ونضيف عليها ونعدل فيها نشيل ذره هيدروجين مثلا ونحط ذره كربون او ايا كان، لذالك حاليا هتلاقي في اجيال من الادويه زي اجيال المضادات الحيوية الي بيتعدل علي تركيبها الذري بسكل دايم علشان تبقي بتستهدف مايكرو اوانزمز اكتر كمثال البنسيلين حاليا نادر الاستخدام لانه جيل قديم جدا من المضادات الحيوية ومعظم الباكتيريا بتتعرف عليه وبتتحايل عليه وعندها مناعه منه  

 

بالنسبه للادويه الي جايه من النباتات بتنقسم ل كذا نواع 

الالكالويدز alkaloids ودي المركباع الي بتكون شامله النسب الاكبر من مستخلص النبته وفالغالب بينتهو ب تلت حروف ف اساميهم دايما زي ايه زي ال caffeine nicotine atropine

تاني نوع هو ال glycosides ودي مكونات بتكون موجوده بنسب بسيطه فالنباتات وليها خواص دوائية وخواص سامه كمان والادويه المصنعه بالشكل داا بتكون فالغالب بتنتهي ب حرفين in زي ال digoxin

تالت نوع هو ال gum ودي مركبات بتقدر تمسك فالمايه وتمتصها زي ال seeweed extraction والبدزو النشويه 

رابع نوع الزيوت زي زيوت ال papperment وال juniper وزيت الخروع والزيت الزتون الخ 

 

طيب نخش عالادويه والمركبات المستخلصه من الحيوانات زي ايه ؟

زي الهرمونات كمثال الانسولين

زي الدهون والزيوت زي زيت كبد الحوت 

انزيمات زي ال pepsin pancreatin ودي انزيمات هدامه مهتمها التفكيك

واخيرا اللقاحات زي انك تاخد ميكرو اوجانزم وليكن فيرس وتقتله او تعدله وبعدين تحقنه ف جسم البشر علشان الجسم يتعرف عليه ويكون مناعه ناحيته زي ما بيحصل حاليا مع كل الفاكسينز الي لازم تاخدهم علشان البرد .. هاا البرد الي جنب اسمه ١٩ دا ههه 

والادويه برده ممكن تتعمل من المعادن زي ايه زي معدن او عنصر الحديد والي بيعالج امراض كتيره جدا من ضمنها الانيميا واملاح ال Epsom والايودين المهم جدا لوظائف الغدد الدرقيه الي بتتحكم ف الحرق ف جسمك 

ولكن حاليا خلاص معظم الادويه بقت بتتصنع فالمعامل زي هرمونات الثايرويد وال cimetidine وفي مركبات بتتعمل بشكل صناعي بحت وفي مركبات بتتعمل من مصادر طبيعيه

واخيرا عندنا اجدد تكونولوجيا ف التصنيع الدوائي وهي تكنولوجيا ال rDNA ودي اختصار ل recombinant dna technology والموضوع هنتطرق ليه لما ابدا اشرح ف الجينات اكتر بس كمثال بسيط العلماء قدرو بالتكنولوجيا دي يعيدو ترتيب الجينومز فنوع بكتىيريا معين وخلو البكتيريا دب تنتج انسولين من نفسها للبشر .. ومعظم الادويه بيتم صناعته معمليا بالشكل دا حالياً زي لقاحات البرد والبرد ١٩ والهيربيس الخ .. بكده اكون خلصت اول جزء استنوني ف جزء جديد السلسه دي هتكون شامله كل اساسيات ومبادئ الفارما واتمني يكون علم انتفع بيه بعد موتي . سيبو لايك وكومنت واستنو الي جاي باذن الله 

تابعونى على : 

https://www.instagram.com/muhamed.mustaafa

https://youtube.com/c/Sioux99

https://www.tiktok.com/@muhammed.mustafaa2

https://facebook.com/sioux99

 

اشترك في نشرتنا الإخبارية
اشترك في نشرتنا الإخبارية
ادخل بريدك الإلكتروني حتى نراسلك بمقالات وكتب قيمة تهمك
يمكنك إلغاء الاشتراك في أي وقت
تعليقات
Loading...

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد